Urdaibairi buruzko erabakia ez da soilik hezegune bati dagokiona. Kontserbazio-izendapenek benetako pisua duten ala ez da kontua. Esparru juridikoa existitzen da, eta orain aplikatu egin behar da.

Urdaibai Biosfera Erreserbaren etorkizuna arriskuan dago: nahiz eta haren ahalmen turistikoa gaindituta egon eta arautegiak eragozten duen, Bizkaiko Foru Aldundiak, Eusko Jaurlaritzak eta Madrilgo Gobernuak Guggenheim Bilbao museoa handitu nahi dute, estuarioaren bihotzean 2 egoitza kokatuz, eta horrek dakartzan azpiegitura osagarri guztiak instalatu.

Inposatutako proiektua da, eskualdeko biztanleen beharrei erantzuten ez diena eta pertsona gutxi batzuei mesede egin nahi diena. Era berean, ez du loturarik Erreserbaren kontserbazio-helburuekin, ezta ere helburu sozial eta ekonomikoekin, eta horiei nabarmen eta atzera bueltarik gabe eragingo lieke.

Urdaibaik dibertsitate biologikoaz, kulturaz eta historiaz beterik dagoen paisaia ikusgarria eskaintzen du, eta bertako biztanleek proiektuaren aurkako jarrera nabarmena erakutsi dute. Euskal Autonomia Erkidegoko Biosfera Erreserba bakarra da eta zati handi batean Natura 2000 sarean eta RAMSAR hitzarmenaren parte da.

Sinatu ezazu Solomon R. Guggenheim Foundation-i Urdaibaiko Biosfera Erreserba suntsitzeari uko egin diezaiola. Bildutako sinadura guztiak fundazio honek New Yorken duen egoitzara eramango ditugu. Ezin da zurea falta!

Guztion ardura delako…jarraitu dezagun salatzen! Sinatu!